One of My Favorite Poems

*Every once in a while I get inspired by a poem. This is one of the poems which caught my attention. It made me think twice about how I'm living my life...;-)

KUNG ANG TAO AY ISINILANG UPANG MAGING TAO LAMANG

Emelita Perez Baes (1978)

Kung ang tao'y isinilang
upang maging tao lamang...
Mabuti pang ako'y naging ibon na lamang
na lilipad-lipad sa lawak ng kalangitan;
O nanaisin ko pang ako'y naging isang bulaklak
na maaring pitasin sa mabangong halaman;
O kaya'y naging isang punong may malagong
mga daho't sangang malalabay;
Dili kaya'y isang kalabaw sa gitna ng kabukirang
napag-aanihan ng ginintuang palay;
Sapagkat sa pagiging ibon, bulaklak, puno o kalabaw
ay nakatitiyak akong may halaga ang aking buhay;
Na ako ay may kabuluhan!
Tulad ng isang taong isinilang
upang magpakatao at di maging tao lamang!